Quo Te serenae mentis amoenior

Vis, et gerendae dexteritas rei,

Rectique constans irretorta

Fronte fides, decorumque pulcher

 

Provexit ordo. Nam velut inclito

Quae erevit arbor germine, jam coma,

Fructuque tempestiva, largas

Fundit opes, placidas et umbras:

 

Intaminato sic Tibi pectore

Adulta Virtus multiplici in dies

Usuque, sublimique nisu

Emicat, et potiore censu.

 

Haec illa nervos , et decus Imperii,

Et civitatem quis deceat status,

Curare solers, et labores

Regis ad obsequium locare.

 

Dudum severis illa negotiis

Adtemperata Te dedit indole ,

Rebusque nostris , et recenti

Concilio , patriisque Musis.

•

 

Budaeque colles. - Sed speciosius

Plerumque doctae Palladis artibus

Conspirat , et Musis amicam

Gaudet honos redimire frontem .

•

Nec indecoro foedere gestiunt

Curaeque Regni', Regnaque sedulae

Necti 'Minervae. Hinc illa pleno

Copia honorum opulenta cornu

 

Tuis , Aloysi! venit adoreis ,

Laurisque partis. Conspicuo Tibi

Dudum refulserunt tropaeo

Mentis opes, animique celsi;

 

Docto vetustas dum calamo eruis

Arces tenebris, nec male carpere

Obliviones, et ruinis

Usque suis pateris sepultas.

 

Sic, feriatae quod mora fert brevis

Horae, occupatum strenuus otium

Lucro reponis, uon caducam

Gnarus emi bene posse laudem.

 

Impendiosae merce scientine. –

Haec scivit , et quid nesciat Optimi

Mons FERDINANDI? Et "Literato

Tiphys , ait , vigil in Senatu

 

Clavum tenebis" Dixit. Et aurei

Librisque , chartisque, et volucri stilo

Nitere mox cultus , et illa

Purior , et melioris aevi

 

Morum venustas , non sine gloria

Mednyanszkyani Nominis. Hinc chori

Et culta Musis personare

Pulpita , Apollineique postes:

 

l! qua benigni nigni Gratia Caesaris,

Virtusque ducit Te Tua. Sic novi

Fusces Tibi sint, sic perennent:

Emeritae monumenta palmae!

 

 

ALEXANDER KUTSERIK